ရွှေနှင့် လက်ဝတ်ရတနာများ အွန်လိုင်းမှ ရောင်းချခြင်း ယာယီခွင့်မပြု

ရွှေနှင့် လက်ဝတ်ရတနာများ အွန်လိုင်းမှ ရောင်းချခြင်း ယာယီခွင့်မပြု

ရွှေ၊ ရွှေကြမ်း၊ လက်ဝတ်ရတနာနှင့် ရွှေ၊ ရွှေကြမ်းတို့ဖြင့် ပြုလုပ်ထားသော ပစ္စည်းများကို အွန်လိုင်းစနစ်ဖြင့် ရောင်းချခြင်းအား ယာယီခွင့်မပြုကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်းက အသိပေးထုတ်ပြန်ထားသည်။

ဓာတ်သတ္တု (ရွှေ) ရောင်းဝယ်ခြင်းဝန်ဆောင်မှုလုပ်ငန်းအတွက် အွန်လိုင်းအသုံးပြုခွင့်လိုင်စင် လျှောက်ထားခြင်းနှင့် ရောင်းချခြင်းဆိုင်ရာ ကုန်သွယ်ရေးဦးစီးဌာန၏ ညှိနှိုင်းပြန်ကြားချက်များကို အသင်းက နိုဝင်ဘာ ၂ ရက်တွင် အသိပေးထုတ်ပြန်ခဲ့ခြင်းဖြစ်သည်။

ထုတ်ပြန်ချက်အရ ၂၀၂၃ ခုနှစ် အောက်တိုဘာ ၂ ရက်မှ ၂၀၂၆ ခုနှစ် အောက်တိုဘာ ၉ ရက်အထိ လက်ဝတ်ရတနာပစ္စည်းအုပ်စုဖြင့် Online Sale မှတ်ပုံတင်လက်မှတ် စုစုပေါင်း ၈၁၁ စောင် ခွင့်ပြုထုတ်ပေးခဲ့ပြီး ယင်းတို့အနက် သက်တမ်းရှိနေသည့် မှတ်ပုံတင် ၂၄၁ စောင်နှင့် သက်တမ်းကုန်ဆုံးသည့် မှတ်ပုံတင် ၅၇၀ စောင်ရှိကြောင်း သိရသည်။

လက်ရှိတွင် ဒေါ်လာ၊ ရွှေနှင့် ကားဈေးနှုန်းများ တည်ငြိမ်စေရေးအတွက် နိုင်ငံတော်က ဆောင်ရွက်နေသည့် ဈေးကွက်ထိန်းကြောင်းမှုများကို အထောက်အကူပြုစေရန် ရွှေနှင့် ရွှေထည်ပစ္စည်းများ အွန်လိုင်းမှ ရောင်းချခြင်းကို ယာယီခွင့်မပြုခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

ထို့ပြင် ခွင့်ပြုပြီးဖြစ်သည့် လုပ်ငန်းမှတ်ပုံတင်များကိုလည်း သက်တမ်းတိုးခွင့်မပြုကြောင်းနှင့် ကျောက်မျက်ရတနာ သီးခြားရောင်းချခြင်းလုပ်ငန်းများကိုမူ ဝန်ခံကတိဖြင့် ခွင့်ပြုလျက်ရှိကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်း၏ ထုတ်ပြန်ချက်အရ သိရသည်။

Source; Popular News Journal